Ein Gedicht auf Kölsch von Helmut Zarges (DOMRADIO.DE-Hörer)

Aventskranzkäzjer

Dieses Jahr hat unser Hörer Helmut Zarges kein Weihnachtsdicht, sondern ein kölsches Adventsgedicht verfasst.

Adventskranzkäzjer

Ne jröne Kranz, veer Käzjer drop, dan weiß en Kölle jede Strop: wann jetz et eeschte Käzje brennt, dan fängke an, de hellije Advent.

Advent, dat es en jode Zick, et Kreßkingche es nit mieh wick. Un lor ich en dat Flämmche ren, su kütt mer mänches en der Senn:   Een Kätzje mäht allt op der Stell e bessje Leech, do weed et hell. Dat Düüstere trick sich janz flöck en alle Ecke höösch zoröck.

De zweite Käz kütt hinger her zo lööchte fällt ehr ja nit schwer. De Käzjer schenke Levensmot. Dat bruche mer, dat deit uns jot.

Un noh ner Woch, dann es se dran, stech jetz et drette Käzje an. Ov Künninge, Hellije, Dreijestän, die drei es jöttlich, hammer jähn.

Dan weet et veete anjemaat un op et Kreßkingche jewat. Leev Kreßkind kumm zo uns, maach flöck, breng Fridde, Freud´, ne Püngel Jlöck.

©   H. Zarges, 11-2022

Themen